Um Rúmfatalagerinn
Rúmfatalagerinn er einhver kunnasta heimilisvöruverslun landsins og hreinlega vandfundinn sá Íslendingur sem ekki hefur einhverntíma átt þangað erindi. Fyrirtækið hefur verið starfrækt í 33 ár en tilkoma þess markaði farsælt upphaf að útbreiðslu lágvöruverðsverslana hér á landi.Í dag eru höfuðstöðvar Rúmfatalagersins staðsettar á Höfðabakka 9, Reykjavík.
Starfsemin fer einnig fram í sex öðrum útibúum; í Skeifunni, á Smáratorgi, á Granda, á Glerártorgi á Akureyri, í Bíldshöfða og á Selfossi.
Hjá fyrirtækinu eru um 180 fastráðnir starfsmenn auk ótölulegs fjölda sem gengur í hlutastörf.
Skrifstofa Rúmfatalagersins er staðsett á Höfðabakka 9, 2ja hæð, 110 Reykjavík.
Í dag er starfsemi Rúmfatalagersins samnefnari yfir vandaðar og fjölbreyttar heimilisvörur á hagstæðu verði.
Of langt mál væri að rekja allan þann aragrúa vöruliða sem þar er í boði.
Rúm og rúmföt eru ennþá mjög atkvæðamikil í flórunni en að öðru leyti hefur úrvalið mótast út frá eftirspurn viðskiptavina varðandi vörur sem tengjast almennu heimilishaldi.
Helsta keppikefli Rúmfatalagersins í framtíðinni er að bjóða ávallt upp á einstakt vöruúrval á besta mögulega verðinu hverju sinni.
Helsta keppikefli Rúmfatalagersins í framtíðinni er að bjóða ávallt upp á einstakt vöruúrval á besta mögulega verðinu hverju sinni.
