Sem einn af aðalstyrktaraðilum Íþróttasambands fatlaðra voru fulltrúar okkar auðvitað viðstaddir þegar þessir flottu íþróttamenn voru valin íþróttafólk ársins! Í fyrsta sinn í sögu ÍF hlutu tveir íþróttamenn nafnbótina íþróttamaður ársins þar sem báðir afrekuðu stórkostlega hluti á árinu sem er að líða. Íþróttakona ársins hlaut titilinn fjórða árið í röð!
Við óskum Bergrúnu, Má og Róberti innilega til hamingju með magnaðan árangur á árinu og viðurkenninguna!
Í tilefni af Paralympics 2020 í Tokyo ákvað Rúmfatalagerinn að setja af stað ágóðasölu í ágústmánuði, þar sem hluti af öllum seldum Wellpur koddum myndi renna til styrktar íþróttasambands fatlaðra.
Á dögunum afhenti Rúmfatalagerinn ÍF ágóðann af sölunni sem voru 650.000 kr. Þórður Árni Hjaltested formaður ÍF og afrekssundkonan Thelma Björg Björnsdóttir tóku við ávísuninni fyrir hönd ÍF.
Rúmfatalagerinn hefur um áratugaskeið verið einn helsti samstarfs- og styrktaraðili íþróttasambands fatlaðra.
„Þetta var mjög ánægjulegur viðburður sem gaf góða raun hjá Rúmfatalagernum. Við sem afrekssamband eigum mikið undir því að fólk og fyrirtæki vilji vinna náið með okkur eins og Rúmfatalagerinn gerir. Íþróttum fleytir hratt fram á heimvísu og til að vera samkeppnishæfir þátttakendur á þeim vettvangi er bráðnauðsynlegt að hafa meðspilara á borð við Rúmfatalagerinn,“ sagði Þórður Árni Hjaltested formaður ÍF þegar hann veitti styrknum viðtöku.
Mynd/Rúmfatalagerinn: Þórður Árni og Thelma með ágóðann af sölu Wellpur koddana.
Arna Sigríður verður fyrst Íslendinga til þess að keppa í hjólreiðum á Paralympics. Arna hlaut bipartite-slot á leikana. Þetta eru fyrstu leikar Örnu en hún hefur rutt brautina á Íslandi í handahjólreiðum. Arna mun keppa í Road Race og Time Trial í Tókýó.
Keppnisdagar:
31. ágúst: Time Trial C1-3
1. september: Road Race H1-3
Már er á leið á sína fyrstu Paralympics þar sem hann keppir í fjórum greinum en það eru 50m skriðsund, 100m baksund, 100m flugsund og 200m fjórsund. Már fór mikinn á HM 2019 og vann þar til verðlauna og setti m.a. nýtt heimsmet í 200m baksundi á þessu ári.
Keppnisdagar:
27. ágúst: 50m skriðsund S11 – Undanrásir
28. ágúst: 100m baksund S11 – Undanrásir
30. ágúst: 200m fjórsund S11 – Undanrásir
3. september: 100m flugsund S11 - Undanrásir
Róbert Ísak er á leið á sína fyrstu Paralympics þar sem hann keppir í sundi og er skráður til leiks í 100m bringusundi, 100m flugsundi og 200m fjórsundi. Róbert hlaut bipartite-slot á leikana en hann lét vel að sér kveða á EM í Portúgal fyrr á þessu ári.
Keppnisdagar:
25. ágúst: 100m flugsund S14 – Undanrásir
29. ágúst: 100m bringusund SB14 – Undanrásir
31. ágúst: 200m fjórsund S14 - Undanrásir
Thelma Björg er eini íþróttamaðurinn í hópnum sem er að fara á sína aðra leika. Hennar fyrstu leikar voru í Río de Janeiro 2016. Thelma keppir í 400m skriðsundi og 100m bringusundi.
Keppnisdagar:
28. ágúst: 100m bringusund SB5 – Undanrásir
2. september: 400m skriðsund S6 – Undanrásir
Bergrún Ósk er á leið á sína fyrstu Paralympics þar sem hún keppir í langstökki og kúluvarpi. Bergrún hefur þrátt fyrir ungan aldur talsverða keppnisreynslu á stórmótum og vann m.a. til verðlauna í kúluvarp á EM í Póllandi í sumarbyrjun
Keppnisdagar:
28. ágúst: Kúluvarp F37 – Úrslit
29. ágúst: Langstökk T37– Úrslit
Patrekur er á leið á sína fyrstu Paralympics þar sem hann mun keppa í 400m spretthlaupi. Leiðsöguhlaupari Patreks í Tokyo verður Helgi Björnsson.
Keppnisdagar:
28. ágúst: 400m hlaup T11 – Undanrásir
Alþjóðaólympíuhreyfing fatlaðra (International Paralympic Committee/IPC) ásamt Alþjóðaheilbrigðismálastofnuninni (WHO) og fleiri alþjóðasamtökum, standa fyrir herferðinni WeThe15. WeThe15 er herferð sem hefur það að markmiði að beina athygli að færni og getu fatlaðs fólks um allan heim. Nafn herferðarinnar kemur til vegna þess að 15% af íbúum jarðar eru fatlaðir einstaklingar.
WeThe15 er ekki auglýsingaherferð heldur er tilgangurinn að búa til nýja hreyfingu sem vekur athygli og á fötluðu fólki um allan heim. Herferðin byrjaði 19. ágúst þar sem 50 þekkt kennileiti um allan heim voru lýst upp með fjólubláum lit. Hér á Íslandi getur þú séð Perluna, Hörpuna og Hallgrímskirkju lýstar upp í fjólubláu. Síðan hafa birst greinar og eftirtektarverð viðtöl við ýmsa einstaklinga varðandi þeirra daglega líf sem og þjóðþekkta einstaklinga sem hafa látið málefni fatlaðra sig varða. Dagsetningin 19. ágúst var valinn sem „undanfari” fyrir Paralympics sem hófst í Tokyo þann 24. ágúst, en þar verður herferðinni haldið áfram enda munu augu alheimsins vera á þeim viðburði sem kemur ávallt í kjölfar sjálfra ólympíuleikanna og vekur stöðugt meira umtal og eftirvæntingu.
Herferðin notar myllumerkið #WeThe15.
Rúmfatalagerinn er stoltur styrktaraðili íþróttasambands fatlaðra og hefur verið einn af aðalstyrktaraðilum sambandsins í 25 ár. Nú á dögunum, í aðdraganda Ólympíumóts fatlaðra í Tókýó, skrifuðu forsvarsmenn Rúmfatalagersins og íþróttasambands fatlaðra undir nýjan styrktarsamning til 5 ára.
Á myndinni sem tekin var í tilefni af undirritun styrktarsamningsins eru Þórður Árni Hjaltested formaður íþróttasambands fatlaðra og Þórarinn Ólafsson forstjóri Rúmfatalagersins. Einnig eru á myndinni þáttakendur Íslands á væntanlegu Ólympíumóti fatlaðra sem haldið verður í Tókýó í ágúst 2021. Við óskum þessum frábæru keppendum góðs gengis!
.jpg?proc=366x366)
.jpg?proc=366x366)
